TE AKO HEI MANUHIRI / LEARNING AS A GUEST - SHANTA TRUSEWICH

TE AKO HEI MANUHIRI / LEARNING AS A GUEST - SHANTA TRUSEWICH

Ko taku pātai ki a Shanta, nō hea koe, ā, he maha ngā mata o tāna whakautu.  “He wāhanga ōku nō wīwī, nō wāwā,” tāna kī.

I ask Shanta where she's from, and the answer is layered.  "I am a little bit from everywhere," she reflects.

I whānau ia i Maine, i tupu i Aotearoa, ā, nā tāna nuku haere i ngā pito e rua o te ao i mau ai ngā uruwhenua e toru — “he pai ki te whakaaro atu,” tāna kata mai, “engari, ko te āhua kē ka pā, he manuhiri au ahakoa kei hea rā.”

Born in Maine, raised in Aotearoa, and now moving between hemispheres, she holds three passports — "which sounds glamorous," she laughs, "but often just means feeling like a guest wherever I am."

Nā taua rongo rā o te noho hei rāwāho i whakaahua tāna titiro ki te ao me ngā mātāpono o āna mahi hoahoa.

That sense of in-between has shaped both her worldview and her design ethos.

“I a au e tupu ana i Aotearoa, he Amerikana kē au, ki ōku whakaaro; i Te Āporo Nui, ā, ko au ‘te Kiwi’. Nā konā pea e pai nei au ki te hoahoa wāhi, inarā, ngā hōtēra, e rongo ai te tangata i te huāngatanga.”

"Growing up in Aotearoa, I felt very American; in New York, I'm introduced as 'the Kiwi.' Maybe that's why I love designing spaces that give people a sense of belonging — especially hotels."

Kua pā āna mahi hei kaiwhakatū o Studio Sio (i ahu mai te ingoa nei i tōna, i a Siochanta) ki ngā hōtēra, ngā kāinga me ngā toa, ā, ko tēnei pakihi hoahoa ā-roto kei Tāmaki Makaurau me Te Āporo Nui.

As the founder of Studio Sio (a play on her full name Siochanta), an interior design practice based between Tāmaki Makaurau and New York City, her work spans hotels, homes, and retail spaces.

“E ngākaunui ana au ki te toitūtanga, ko tāku he tukurua, he whai taonga tuku iho hoki e kounga ana,” tāna kī. “Ka kimihia ngā taonga tuauki, ka tukuruahia ngā rawa nō ngā whare tawhito, ā, ka mahi tahi hoki ki ngā ringatoi ki te hoahoa taonga motuhake. E whai nei au ki te karo i ngā taonga ā-whare ka hangaia kaikātia, ka hangaia hoki kia poto noa te whakamahinga.”

"I'm passionate about sustainability through reuse and heirloom quality," she says. "Sourcing vintage and antique pieces, salvaging architectural materials, and designing custom objects with craftspeople. I try to avoid fast furniture and planned obsolescence wherever possible."

Nā ēnei uara o Shanta ia i ārahi ki te kaupapa e kīia nei e ia, ko te kaupapa nui katoa o tōna aramahi, arā, ko te whakahounga o te hōtēra rongonui i Te Āporo Nui, arā, te Hotel Chelsea.

Those values would eventually lead Shanta to what she describes as the biggest project of her career: the restoration of New York's iconic Hotel Chelsea.

Kua 140 te pakeke o te whare nei, ā, kua roa e tū ana hei whakaruruhau mō ngā ringatoi, ngā kaituhi me ngā kirimoemoeā. I roto i ngā tau, kua noho ngā hautupua ahurea ki reira, arā, ko Bob Dylan, rātou ko Patti Smith, ko Andy Warhol.

The 140-year-old building has long been a sanctuary for artists, writers and dreamers. Over the decades, it has housed cultural icons such as Bob Dylan, Patti Smith, and Andy Warhol.

“Mai rā anō taku whakamīharo atu ki te Hotel Chelsea,” tāna kī. I ngā haerenga ā-whānau ki Te Āporo Nui, ko te Chelsea tonu te wāhi i hiahia ai ia ki te toro. I ōna tau rua tekau, ka nuku ia ki te tāone nei, ā, ka hari tonu ia i ōna hoa e toro mai ana kia kite i te whare nei, me te kōrero i ōna kōrero ā-hītori me tōna whakareretanga auaha.

"The Hotel Chelsea was one of my favourite buildings from as early as I can remember," she says. During family trips to New York, the Chelsea was always the place she wanted to visit. Years later, after moving to the city in her twenties, she continued bringing visiting friends to see the building, enthusiastically sharing stories about its history and creative legacy.

Nā tētahi tūponotanga i whai wāhi ai a Shanta ki te mahi, ki te noho hoki i taua whare rā i whakamīharotia ai e ia atu i tawhiti, i roto i ngā tau.

Through a chance introduction, Shanta found herself working on — and eventually living within — the very building she had spent years admiring from afar.

“I mua, i tino hiahia au ki te noho i reira mō te pō kotahi noa iho, nāwai rā, ka rima tau au e noho ana i reira.”

"In the end, I went from desperately wanting to spend just a single night there to living there for five years."

Nā ngā kainoho rongonui o te hōtēra me ōna kōrero ā-ahurea ia i poapoa, engari kāore i pērā rawa te rerehua o te whakahou i te whare. I te roanga o te whakahoutanga, i puta te waipuke, te ahi, ngā uaua ā-hangahanga, me te whai tonu kia tiakina ngā āhuatanga tuku iho me ngā mahi toi.

While the hotel's famous residents and cultural mythology formed part of its appeal, the reality of restoring the building was far less glamorous. There were floods, fires, complex construction challenges, and the constant task of protecting historic features and artworks while restoration work unfolded around them.

I te roanga o te whakahounga, i noho tonu te Chelsea hei kāinga mō ētahi kainoho tauroa. He tokomaha rātou kua roa e pōkaikaha ana i ngā tohe rangatiratanga o mua me ngā whāinga ki te whakahou anō i te whare.

The Chelsea remained home to a community of long-term residents throughout the restoration process, many of whom had experienced years of uncertainty through previous ownership disputes and redevelopment attempts.

“I mahi tahi au ki ētahi o ngā kainoho i ō rātou whare noho ake, ā, he ringatoi, he kiriwhakaari, he kiriauaha rātou, ā, kāore te nuinga e pai ki te mahi tahi ki tētahi kaihoahoa ā-roto, i te nuinga o te wā.”

"I worked closely with several residents on their apartments — artists, performers and creatives, many of whom would not normally work with an interior designer."

I kitea e tētahi kainoho tētahi huinga kāpata nō te rautau tekau mā iwa, he tino ātaahua te hanga. I hunaia ki muri i ōna papa rākau kua oti te tārai tētahi rūma kaukau.

One resident sourced an elaborate nineteenth-century cabinet system that concealed an entire bathroom behind intricately crafted timber panels.

Ko te hiahia o tētahi, kia peitahia te rūma o mua o Janis Joplin ki te kānapanapa tino pīataata nei, ā, kātahi ka whakarākeitia ki ngā tui raumata.

Another wanted Janis Joplin's former room painted in high-gloss emerald green and lined with tapestries.

Inā te mīharo o ngā ao o te tokomaha o ngā kainoho. He rite tonu te kōrerohia o ngā paki mō Jimi Hendrix, mō te taha whakararo o Manhattan i te takiwā o te puoro punk, mō te mahi tahi rānei ki ētahi o ngā pou ahurea o te rautau rua tekau.

Many of the residents had lived extraordinary lives. Conversations often drifted towards stories of Jimi Hendrix, downtown Manhattan during the punk era, or working alongside some of the defining cultural figures of the twentieth century.

“I noho hoki au ki te hōtēra i te tau 2020, ā, i taua tau rā i kaha pā mai te wairua o te kotahitanga i roto i te whare.”

"I also lived in the hotel throughout 2020, and during that time a real sense of community formed within the building."

I ngā wā o te rāhui, ka puta mai ngā kainoho i ō rātou matapihi i ia ahiahi ki te whakamihi i ngā kaimahi hauora. I whakatangi puoro ngā pūkenga puoro i ngā putanga ahi me ngā arapiki, i toro ngā kiritata i a rātou anō, ā, ko te hunga mātau ki te hangarau i āwhina i ētahi atu kia hono tonu rātou ki ngā whānau me ngā hoa.

During the lockdowns, residents leaned out of their windows each evening to applaud healthcare workers. Musicians played from fire escapes and stoops, neighbours checked in on one another, and those more comfortable with technology helped others stay connected with family and friends.

“I tino taumaha taua wā rā i Te Āporo Nui, engari i manaaki tētahi i tētahi. Ahakoa ngā kōrero mō te whare nei, ko te mea nui katoa ki te tangata, ko ngā tāngata tonu e arohaina ana e ia.”

"It was an incredibly heavy time in New York, but people genuinely looked after one another. Despite all the mythology surrounding the building, the thing people valued most was always the people they loved."

I tino taumaha te haepapa i pā ki a ia nōna e mahi ana i te Chelsea.

Working on the Chelsea brought with it a profound sense of responsibility.

“Ki a au nei, he pēnei au i te kaitiaki o tētahi wāhanga o te hītori ā-ahurea, ehara tāku i te whakahou noa i tētahi hōtēra.”

"For me, the experience often felt less like renovating a hotel and more like being a kaitiaki or steward of a piece of cultural history."

I tīmata tāku mahi i taku ū ki te whakahou whare me te tiaki i ngā mahi ā-ringa, ā, ka taka te wā, ka toko ake ētahi pātai tuatini tonu.

What began as a commitment to restoring buildings and preserving craftsmanship evolved into more complex questions.

“Inā tata nei, kua tīmata taku pātai ki a au anō, he aha rā te tikanga o te tiaki hītori mā te tirohanga tātāmi,” tāna kī. “Mai rā anō taku aroha ki te hītori, engari i ahu mai te ākinga ōku kia tiakina ōna taonga kikokiko i tōku anō waimarie.”

"Lately, I've been questioning what it means to preserve history through a colonial lens," she says. "I've always loved history, but I recognise that my instinct to preserve its physical form comes from a place of privilege."

“He kōrero pono rānei tō ngā taonga e tiakina ana e au? E tohu ana ngā taonga nei i te manaakitanga, i te mamaetanga rānei? Kāore e tika ana kia tiakina ngā taonga katoa. E tika ana kia waiho pea ētahi ki muri.”

"Are the things I'm saving telling an honest story? Do they represent care, or pain? Not every object deserves preservation. Some things may be better left behind."

Tekau tau e noho ana a Shanta i Te Āporo Nui, ā, he nui ngā tau e piri ana ia ki ngā kiriauaha e rongonui nei i te ao. Kātahi ka pā mai te karanga kia hoki ia ki te wā kāinga, ā, nō te tau 2021 i tau mai ai ia ki Aotearoa.

After more than a decade in New York and years spent among some of the world's most storied creative communities, Shanta felt the pull to return home and moved back to Aotearoa in 2021.

“Ki taku titiro, he tokomaha i konei kua koke i runga i te ngākaupai, mō te taha ki te whakamana i Te Tiriti me te whakaū i ngā tirohanga Māori. Kāti, he nui tonu ngā mea hei ako māku,” tāna e whakaaroaro nei.

"I feel a lot had moved forward positively here, especially in acknowledging Te Tiriti and valuing Māori perspectives, and I have a lot of catching up to do," she reflects.

“Ki a au, ko te akoranga nui, ko te mōhio ki tōku waimarie. I wātea tōku whānau ki te whakawhiti haere i ngā roherohenga i roto i ngā tau, engari arā ētahi i aukatia kētia e ngā roherohenga. He rite tonu taku whakamahara i a au anō, i a au e noho nei i konei, he manuhiri ahau i tēnei kāinga nō tētahi atu, ā, ka nui te whakamihi a te ngākau.”

"For me, a big part of that learning is recognising privilege. My family freely crossed borders for generations while others had borders imposed on them. Living here means continually reminding myself that I am a grateful guest in someone else's home."

Nā taua mōhiotanga i whai ai a Shanta kia hōhonu ake tana mārama ki Aotearoa me tōna ahurea taketake, ā, nā konā i tahuri ai ia ki te ako i te reo Māori, ki te mahi i ētahi kaupapa, pērā i te hoahoa me te whakarite i te toa o Manaaki Matakana.

That awareness has led Shanta to deepen her understanding of Aotearoa and its first culture, inspiring her to begin her journey of learning te reo Māori and work on projects such as the design and fit-out of the Manaaki Matakana store.

“He mea whai tikanga ki a au te tuku i ōku pūkenga hoahoa hei tautoko i tētahi mahi e whai mana ana, e whai take tonu ana, ā, kāore e aro noa iho ana ki te āhuatanga rerehua,” tāna mō āna mahi i Manaaki Matakana. “Nā tērā i mahara ai au, ko te hoahoa hei waka kawe i ngā uara, kaua noa iho i ngā putanga hei titiro noa.”

"It was meaningful to share my design skills in service of mahi that carries real mana and purpose, not just aesthetics," she says about working on Manaaki Matakana. "It reminded me that design can be a vessel for values, not just visual outcomes."

Kua pau te nuinga o tōna ao i te nuku haere i tētahi wāhi ki tētahi wāhi. Kāti, nā āna mahi e hoki tonu ai ngā mahara ki taua pātai rā: mā te aha kē rā e rongo ai te tangata i te noho ā-kāinga? Hei tāna, kāore taua rongo rā e pā mai i te noho noa iho ki te whare, engari kē ka pā mai i te mōhio ki ngā tāngata, ngā kōrero me ngā uara e mauri ora ai aua whare rā.

For someone who has spent much of her life moving between places, Shanta's work continues to return to the same question: what makes us feel at home? The answer, she suggests, is rarely found in buildings alone, but in the people, stories, and values that give them life.

 

Ko ngā whakaahua nā Apela Bell. Ko ngā mahi tohu auaha me ngā āhuatanga tāera nā Kat Tua. Nā Hēmi Kelly i whakamāori.  / Photography by Apela Bell.  Creative direction and styling By Kat Tua.  Te Reo Māori translation by Hēmi Kelly.

 

Back to blog